ஸ்ரேயா எனக்கு 20 உனக்கு 18 படம் மூலம் தமிழில் அறிமுகமானார். 2003–ல் இப்படம் வந்தது. ரஜினியுடன் சிவாஜி படத்தில் ஜோடியாகி முன்னணி நடிகை இடத்தை பிடித்தார். விஜய், விஷால், தனுஷ் உள்ளிட்ட பலருடன் நடித்தார். தற்போது அவரிடம் அதிக படங்கள் இல்லை. இளம் கதாநாயகிகள் வரத்தால் மார்க்கெட் சரிந்துள்ளது.

இதனால் திருமணம் செய்து கொண்டு குடும்பத்தோடு செட்டில் ஆக முடிவு செய்துள்ளார். இந்த வருடமே அவரது திருமணத்தை நடத்த பெற்றோர் முடிவு செய்துள்ளனர். பொருத்தமான மாப்பிள்ளையை தேடுகிறார்கள்.

திருமணத்துக்கு பிறகு சினிமாவை விட்டு விலக திட்டமிட்டுள்ளதாக கூறப்படுகிறது. தற்போது ஓரிரு சிறிய பட்ஜெட் படங்களில் நடித்து வருகிறார். விரைவில் அந்த படங்களை முடித்து கொடுத்து விட்டு திருமண வேலைகளில் இறங்குகிறார்.