சமந்தா தமிழில் முன்னணி ஹீரோக்களுடன் நடிக்கிறார். அஞ்சான் படத்தில் சூர்யா ஜோடியாக நடிக்கிறார். லிங்குசாமி இப்படத்தை இயக்குகிறார். இதன் படப்பிடிப்பு மும்பையில் விறுவிறுப்பாக நடக்கிறது. ஏ.ஆர்.முருகதாஸ் இயக்கும் படத்தில் விஜய் ஜோடியாக நடிக்கிறார்.

இந்த படத்தின் படப்பிடிப்பும் முழு வீச்சில் நடக்கிறது.

ஏற்கனவே சித்தார்த், ஜீவா போன்றோருடன் நடித்து இருக்கிறார். விஜய், சூர்யாவுடன் நடிக்கும் படங்கள் ரிலீசானதும் தனது மார்க்கெட் மேலும் உயரும் என்று எதிர்பார்க்கிறார். அத்துடன் அஜீத் ஜோடியாக நடிப்பதும் அவரது கனவாக இருக்கிறது.

இதுகுறித்து டுவிட்டரில் ரசிகர்கள் கேள்விக்கு, சமந்தா எனக்கு அஜீத்துடன் நடிக்க ஆசை உள்ளது என்று பதிலளித்தார். விரைவில் அது நிறைவேறும் என்று குறிப்பிட்டு உள்ளார்.